67.3%
مها: يعنى رسيت على جيد
طارق: الحمد لله .. كده فلة .. احنا هننهب؟؟
مها: الحمد لله على كل حال .. المهم بس تشوف ايه بعد كده
طارق: نشوف طبعا .. احنا ورانا حاجة الا مصلحتنا
مها: يا سلام عليك وانت عارف مصلحتك كده .. بحس انك زى ميكون عاقل
طارق: على اساس انى مجنون يعنى
مها: يعنى .. مش اوى
طارق: طبعا مجنون .. هو انا لو مش مجنون كنت حبيتك
مها: واللــــــــه .. ماشي ماشي
طارق: ههههههه .. الله .. شوف هتزعل اهى
مها: لا مش زعلانة
طارق: وحتى لو زعلانة يعنى :P
.
.
بعدها بشهرين بالظبط
طارق: ايوة يا مها .. عاملة ايه
مها: الحمد لله .. عملت ايه
طارق: روحت الشركة دى وعملت انترفيو مع الناس هناك
سيبتلهم السي في بتاعى .. ومستنى الرد .. ربنا يسهل
مها: يا رب
.
.
بعدها بكام يوم
مها: ها .. ايه الاخبار
طارق: للاسف .. قبلونى :P
مها: يا سخيف
طارق: هههههههههه .. انا سخيف؟
مها: اه بقي .. ومش هرجع فى كلامى
طارق: ماااشي .. وانا ماشي .. ماشي؟
مها: استنى بس .. مش سخيف اوى يعنى
طارق: هههههههههه .. المهم
شدي حيلك انتى بقي فى السنتين دول .. اكون انا اشتغلت حبة .. وظبطت نفسي
وساعتها نبقي ناخد معاد من السيد الوالد
مها: :)
.
.
عدو السنتين
طارق شغال فى شركة قطاع خاص
مها خلصت الكلية
طارق ميسور الحال .. زيه زى معظم شباب مصر
طارق قرر يقابل ابو مها
طارق شغال فى شركة قطاع خاص
مها خلصت الكلية
طارق ميسور الحال .. زيه زى معظم شباب مصر
طارق قرر يقابل ابو مها
.
.
طارق: ها يا ستي .. مش نيجي بقي نشرب فنجان قهوة مع الوالد
ولا انتو معندكوش بن
مها: البن عندنا كتير .. بس انت تنور
طارق: واقعة واقعة يعنى
مها: مش بقولك انت رخم .. يالا ياض من هنا .. معندناش بنات للجواز
طارق: يا شيخة روحى كده .. دانا هنشلك من العنوسة يا بايرة
مها: انا بايرة .. ماشي يا طارق
طارق: ااايوة .. هى عادتك ولا هتشتريها
يالا قومى اروحك واروح اشوف مصلحتى
وابقي اتقمصي فى بيتكو براحتك
قهوتى مظبوط على فكرة .. شوفى ابوكى قهوته ايه .. قصدى فاضي امتى
مها: هههههههههههههههه .. :)
.
.
ابو مها: اهلا يا باشمهندس .. تعالى
طارق: سلام عليكم
ابو مها: وعليكم السلام ... اتفضل
على حد علمى انك خريج هندسة .. زى مها .. مش كده
طارق: فعلا .. دى حقيقة
بس انا الكترونيات
ابو مها: اه .. مجال كويس
انا مش هسالك انت عرفتها ازاى والكلام ده
لانه بقي سؤال سازج طبعا
المهم انكو عارفين بعض كويس دلوقتى
بس اللى المفروض اتطمن عليه هو مستقبل بنتى
ولا انت رأيك ايه ؟؟
طارق: حضرتك عندك حق
ابو مها: طب وعشان اتطمن عليها .. المفروض تكون انت امكانياتك ايه
طارق: مش عارف بصراحة ايه المواصفات اللى حضرتك طالبها
بس اللى بامكانى انى هأجر شقة فى الحتة اللى تعجب حضرتك
ومرتبي فى الشركة كويس جدا .. ومستعد لاى شبكة هى تطلبها
ابو مها: تفتكر دا كفاية؟
طارق: طب حضرتك طلباتك ايه
ابو مها: اللى اقتنع بيه ويخش دماغى .. ان المفروض يكون عندك شقة يا باشمهندس
انت عارف ان ممكن فى اى لحظة صاحب الشقة اللى هتأجرها يقولك مع السلامة
ويا عالم ساعتها هيكون ايه الوضع
غير انك شغال فى شركة بعقد .. يعنى بردو معرض انك تبقي من غير شغل فى اى وقت
بمجرد ان يحصل اى مشكلة بينك وبين صاحب الشركة اللى بتشتغل فيها
يعنى ببساطة انت وضعك مش مستقر خالص
طارق: بس حضرتك عارف انى لسه شاب فى بداية الطريق .. وصعب اوى انى ارضي احتياجات حضرتك فى الوقت ده
انا عن نفسي مستعد اعمل كل اللى حضرتك تطلبه واكتر .. بس حاليا ما باليد حيلة
محتاج شوية وقت على الاقل
ابو مها: طيب والوقت معاك .. ربنا يوفقك
طارق: طيب وانا موقفى ايه حاليا من بنتك
ابو مها: اظن انت انسان كويس .. وباين ان عقلك كبير
ببساطة انا مقدرش اسيب بنتى حايتها على كف عفريت
انت كشخصية انا مش معترض عليك .. بس انا بردو كـ أب عاوز اتطمن على بنتى
طارق: مفهوم
يتبع..
هناك 4 تعليقات:
لا يا عم مش لاعب
ومش هكتب في اي حاجه في الاتجاه ده
خليني انا اكتب في اساطير الاولين
ولو بقي وقت معايا في الوقت اللي هخلصها فيه
هبقي انشرهالك هنا
بس القصص ام اتجاه لا يثمن ولا يغني من جوع دي مش كاتب فيها
يلا استمر انت فيها
بس ملحوظه ليك
مفيش مهندس بيموت بعد صلاة الجمعه
سلامي
ههههههههههههههههههههههههههههههه
يا عم انت فاهم غلط خالص
طب اقعد بقي واسمع
اكتب انت فى حاجة تانية
بسم الله والصلاة علي رسول الله
أخيرا جتلي فرصه أشكرك علي أول تعليق وصلني من خلالاك كان تعبيرك رائع عندما باركت حريريتي..
ولكن للأسف طيرته بدون قصد لكنه مازال في الذاكره..
أما عن طارق ومها...
يعني عندما أفتح لنفسي المجال لن تكفيني كل المدونات للرد...علي هؤلاء الآباء..المادين ..
يعني لما الولد يصدق في كلامه ومشاعره يطفشوه..
عندما يتثاقل الزمان فوق أكتافنا...قاهرا إيانا ..نفر طلبا لتخفف من الحمل...ونظل نركض حتي تدمي أقدامنا ..نتوه في فكرة الهروب ..فلا نرحل أبدا عن الدرب ..ولا ترحل عنا الأثقال ..وربما إن وقفنا لحظة ..وفكرنا لحظة..أن نظرنا فوق ..هناك لنري رب السماء في السماء باسطا كفاه...هل من مثتغيث..
هيا لنقرع أبواب السماء ..ودعنا من أبواب البشر...أسعدني مروري..وسيسعدني مرورك..
خيط الحرير
متشكر اوى اوى لذوقك
وكلامك اللى عاجز عن الرد عليه بصراحة
احنا بس بنتعلم منك
بالنسبة للموضوع
مشكلة جيل طبعا
الابناء بيدفعو تمن سوء تقدير الاباء
وبتبقي النتيجة قاسية اوى
يشرفنى جدا انك تتابعى القصة :)
إرسال تعليق